श्रावण ३,२०८२
अर्जुन अधिकारी
काभ्रे ।
चर्चित भारतिय युट्युबर ध्रुव राठीले नयाँ एआई प्लेटफर्म AI Fiesta सार्वजनिक गरेका छन्। यो प्लेटफर्ममार्फत प्रयोगकर्ताले विश्वका चर्चित एआई मोडलहरू — जस्तै ChatGPT 5, Gemini 2.5 Pro, DeepSeek, Claude Sonnet 4, Perplexity Sonar Pro र Grok 4 — एउटै एपभित्रै चलाउन सक्नेछन्।
राठीका अनुसार, छुट्टाछुट्टै सबै एआईको प्रो संस्करण किन्नु परेमा महिनामा करिब १० हजार रुपैयाँसम्म खर्च हुने भए पनि, AI Fiesta बाट प्रयोगकर्ताले सबै सुविधा मासिक ९९९ रुपैयाँमै पाउनेछन्। यसबाहेक वार्षिक योजना ९,९९९ रुपैयाँमा उपलब्ध हुने जनाइएको छ।
हाल प्लेटफर्म एन्ड्रोइड एपमार्फत मात्र उपलब्ध भए पनि चाँडै नै iOS एप र वेब संस्करण समेत ल्याइने तयारी भइरहेको छ। प्रयोगकर्ताले एउटै प्रश्न लेखेर वा बोलेर सबै एआईबाट एकैपटक जवाफ पाउनेछन् र आफूलाई मनपरेको एआईसँग संवाद जारी राख्न सक्नेछन्।
तर, केही सीमितता भने देखिएको छ। अहिले प्रयोगकर्ताले महिनामा करिब ४ लाख टोकन मात्र प्रयोग गर्न पाउनेछन्, जसले करिब ७०–७२ वटा प्रश्न सोध्न पुग्छ। यसले दीर्घकालीन प्रयोगमा केही चुनौती थप्ने अनुमान गरिएको छ।
विश्लेषकहरूका अनुसार, ध्रुव राठीको यो पहलले दक्षिण एशियाली बजारमा एआई प्रयोगलाई सहज बनाउन ठूलो योगदान पुर्याउनेछ।
-
Jigyasanepal
