काठमाण्डौ ।
नेपालको जाडो मौसमसँगै बजारमा हरियो सागपातको आकर्षण बढ्दो क्रममा छ। यी सागपातहरूमध्ये रायोको साग (Mustard Green) नेपाली परिकारको अभिन्न हिस्सा हो। स्वादिलो मात्र होइन, यसमा पाइने पौष्टिक तत्त्वहरूले स्वास्थ्यका लागि पनि विशेष फाइदा पुर्याउँछन्।
तर, यसको उत्पादनमा रोग, कीरा र जलवायुजन्य चुनौतीहरू हुने भएकाले वैज्ञानिक र व्यावसायिक खेती प्रविधिको ज्ञान आवश्यक हुन्छ।
रोग नियन्त्रण र माटोको व्यवस्थापन
रायो खेतीमा देखिने प्रमुख समस्या ढुसीजन्य रोग हो। यसले जरामा गाँठा विकास गराउँछ र बोटको वृद्धि रोकिन्छ। प्रारम्भमा जुकाजस्ता लक्षण देखिएपछि रोग फैलन थाल्छ।
व्यवस्थापनका उपायहरूः
- उही परिवारका बाली नलगाई घुम्ती खेती प्रणाली अपनाउने।
- माटोको pH मान ७ भन्दा माथि राख्ने।
- नेविजिन विषादी १ केजी प्रति रोपनीको दरले प्रयोग गर्ने।
खेतीका लागि उपयुक्त क्षेत्र र मौसम
रायोको खेती तराईदेखि उच्च पहाडसम्म गर्न सकिन्छ।
- तराई र मध्यम पहाडमा यो हिउँदे बालीका रूपमा
- उच्च पहाडमा तुसारो र हिउँ पर्ने भएकाले ग्रीष्म याममा
यो बाली चिसो, ओसिलो र छोटो दिन हुने मौसममा राम्रो फल्छ। तर अत्यधिक चिस्यान र प्रकाशको कमीले उत्पादन घटाउँछ।
माटोको छनोट
रायो खेतीका लागि मलिलो दोमट माटो सबैभन्दा उपयुक्त मानिन्छ।
माटोमा प्राङ्गारिक पदार्थ प्रशस्त भएमा पात नरम, हरियो र स्वादिलो हुन्छ।
निकास राम्रो नभए बोट पहेंलिन सक्छ, त्यसैले पानी निकासको राम्रो व्यवस्था गर्नुपर्छ।
सिफारिस गरिएका जातहरू
नेपालमा स्थानीय र सुधारिएका दुवै जातका रायो खेती गरिन्छ। भौगोलिक क्षेत्रअनुसार फरक–फरक जात सिफारिस गरिएको छ —
- तराईका लागि असोज–पौष
- मध्यम पहाडका लागि भदौ–मंसिर
- उच्च पहाडका लागि फाल्गुन–वैशाख
व्यावसायिक उत्पादनका लागि यो समयतालिका प्रभावकारी हुन्छ।
जमीन तयारी र मल व्यवस्थापन
रायो छिटो तयार हुने बाली भएकाले जमीनको राम्रो तयारी आवश्यक हुन्छ।
- २५–३० से.मी. गहिराइसम्म जोत्नुपर्छ।
- प्राङ्गारिक मल पर्याप्त मात्रामा प्रयोग गर्नुपर्छ।
- माटोलाई बुर्बुराउँदो अवस्थामा ल्याएर रोपण गर्नु सर्वोत्तम हुन्छ।
अन्तरवाली प्रणाली
रायो सँगै अन्य बालीहरू पनि लगाउन सकिन्छ।
- अन्तरवालीको रूपमा गोलभेडा, काँक्रो, सिमी, वोडी, मकै, खुर्सानी, भण्टा आदिलाई मिलाएर लगाउँदा जमिनको सदुपयोग हुन्छ।
- काँटछाँट र दूरी मिलाएर लगाउँदा दुवै बालीको उत्पादनमा सन्तुलन रहन्छ।
प्रमुख रोगहरू र व्यवस्थापन
१. अल्टरनेरिया थोप्लो रोग
लक्षणः
- पातमा स–साना खैरा थोप्ला देखिनु
- पछि ती थोप्ला गोलाकार भई बीचको भाग चम्किलो देखिनु
नियन्त्रणः
- बीउलाई डाइथेन एम–४५ वा थिराम २–३ ग्राम प्रति के.जी. ले उपचार गर्नु।
- खेतीमा देखिएपछि वलाईटक्स–५० २–३ ग्राम प्रति लिटर पानीमा मिसाई १०–१५ दिनको फरकमा छर्ने।
२. भाइरस रोग
लक्षणः
- पातमा टाडेपाटे रंग देखिनु
- नसाहरू पहेँलिनु, पात उठिनु
नियन्त्रणः
- रोगी बिरुवा उखेलेर जलाउने
- रोगमुक्त बीउ प्रयोग गर्ने
- चुसाहा कीराहरू नियन्त्रण गर्ने
टिपाई र समय
रोपण पछि ३०–४० दिनमा पहिलो टिपाई गर्न सकिन्छ।
त्यसपछि प्रत्येक १०–१५ दिनको फरकमा झन्डै १०० दिनसम्म टिपाई सम्भव हुन्छ।
टिप्दा बीचको पात नछुने, बाहिरी कोमल पात मात्रै हलुका रूपमा टिप्ने। यसरी गर्दा नयाँ पात पलाउने र उत्पादन अवधि लामो हुन्छ।
तुसारो र अत्यधिक चिसोबाट जोगाउने तरिका
रायो ०°C भन्दा तलको तापक्रममा वृद्धि ढिलो गर्छ।
- यस्तो अवस्थामा प्लास्टिक हाउस (ग्रीन हाउस) निर्माण गरी खेती गर्न सकिन्छ।
- साथै, चिसो सहने जातहरू रोज्दा उत्पादनमा कमी आउँदैन।
रायोको साग स्वादिलो परिकार मात्र होइन, यो आर्थिक र पोषण दुवै दृष्टिले मूल्यवान बाली हो। उचित प्रविधि, रोग नियन्त्रण र मौसम व्यवस्थापनसहितको खेतीले किसानलाई राम्रो आम्दानी दिन सक्छ।
-
Jigyasanepal
